About Me

My photo

മലയാണ്മയോടാണ് അഭിനിവേശം. അതുകൊണ്ട് തന്നെ മലയാളത്തില്‍ ഒര് എം എ യും യു ജി സി യും തരപ്പെടുത്തി. വായന ഒരുപാട് ഇഷ്ടം. അവിടവിടെ ചിതറിക്കിടക്കുന്ന ചിന്തകള്‍ കോര്‍ത്തിണക്കി എന്തെകിലും കുത്തിക്കുറിക്കാന്‍ ഇഷ്ടം . അത് നാല് വരി കവിതയോ , ഒര് കുഞ്ഞു കഥയോ എന്ത് തന്നെയായാലും. ഉപജീവനത്തിനായി ഇപ്പോള്‍ ദുബൈയില്‍ ഒര് കനേഡിയന്‍ പവര്‍ ആന്‍ഡ്‌ എനെര്‍ജി കമ്പനിയില്‍ ജോലി ചെയ്യുന്നു. ഭാര്യ ദീപ ചിറയില്‍ , ആലുവ യു സി കോളേജില്‍ മലയാളം ഭാഷാശാസ്ത്രം അധ്യാപിക . ഒര് മകന്‍ . ആര്‍തര്‍ വില്യം

Thursday, October 20, 2011

തിരികെ !



ഇന്നലെ മുഴുവന്‍ പനിച്ചു കിടന്നു
ജ്വരം തിന്ന ഒരു തലച്ചോറ്
പുതയ്ക്കാന്‍ കംബിളിയില്ലാതെ
നിന്റെ ഗന്ധമില്ലാതെ
കാലുകള്‍ക്കും കയ്യുകള്‍ക്കും
ചലനശേഷിയില്ലാതെ
നിവര്‍ന്നു നിര്‍ജീവം കിടക്കുമ്പോള്‍
ഓര്‍മയില്‍ അരുകിലിരുന്നു
ആത്മാവിന്റെ പുസ്തകം
വായിക്കുന്നത് ആരാണ് ?
ചോരച്ചുമ പൊന്തും കണ്ഠത്തില്‍
സ്നേഹത്തിന്റെ തൈലമിറ്റിച്ചതാരാണ് ?
വെള്ളരിപ്പൂംപ്രാവായി വന്നു
നിലാവിന്റെ ഗാനം കുറുകിയതാരാണ് ?
അവ്യക്തമായ ഓര്‍മകള്‍ക്കുമേല്‍
ഒരു ഹിംസ്ര മൃഗത്തിന്‍ രശനയില്‍ നിന്നും
നിണം തൂകി എന്റെ സ്വപ്നത്തെ
ചുവപ്പിച്ചു , ഒടുവില്‍
രക്തപങ്കിലം എന്റെ ദേഹിയെ
ഒരു തെമ്മാടിക്കുഴിയിലേക്ക്
വലിച്ചെറിഞ്ഞതെന്തിനാണ് ?
എനിക്ക് ജീവനില്‍ വലിയ കൊതിയാണ്
നിനക്ക് മുന്നില്‍ പറക്കാന്‍ ,
ഒരു വഴികാട്ടിയായി !
ഈ പനി ഒന്ന് മാറട്ടെ,
അത് വരെ ഒന്ന് ക്ഷമിക്കൂ
ഞാന്‍ എന്റെ ഓര്‍മകളിലേക്ക് തരിച്ചു വരും
അത് വരെ അതുവരെ മാത്രം !

No comments: