About Me

My photo

മലയാണ്മയോടാണ് അഭിനിവേശം. അതുകൊണ്ട് തന്നെ മലയാളത്തില്‍ ഒര് എം എ യും യു ജി സി യും തരപ്പെടുത്തി. വായന ഒരുപാട് ഇഷ്ടം. അവിടവിടെ ചിതറിക്കിടക്കുന്ന ചിന്തകള്‍ കോര്‍ത്തിണക്കി എന്തെകിലും കുത്തിക്കുറിക്കാന്‍ ഇഷ്ടം . അത് നാല് വരി കവിതയോ , ഒര് കുഞ്ഞു കഥയോ എന്ത് തന്നെയായാലും. ഉപജീവനത്തിനായി ഇപ്പോള്‍ ദുബൈയില്‍ ഒര് കനേഡിയന്‍ പവര്‍ ആന്‍ഡ്‌ എനെര്‍ജി കമ്പനിയില്‍ ജോലി ചെയ്യുന്നു. ഭാര്യ ദീപ ചിറയില്‍ , ആലുവ യു സി കോളേജില്‍ മലയാളം ഭാഷാശാസ്ത്രം അധ്യാപിക . ഒര് മകന്‍ . ആര്‍തര്‍ വില്യം

Tuesday, October 14, 2008

ഓര്‍മ !!

ഈ തണുപ്പില്‍ പുതച്ചുറങ്ങുമ്പോള്‍

നിനക്കു നാടു ഓര്‍മ വരുന്നുവോ?

നമ്മള്‍ കൈകുടന്നയില്‍ കോരിയ

കോളാമ്പിപ്പൂക്കള്‍

പച്ച വിടര്‍ന്ന വഴിയോരങ്ങള്‍

നനുത്ത സന്ധ്യകള്‍

അമ്മയുടെ പിന്‍വിളി

കാതോര്‍ത്തിരുന്ന ഒരു കാലൊച്ച

നിന്‍റെ യൌവന തൃഷ്ണകള്‍... അങ്ങനെയങ്ങനെ

ഇപ്പോള്‍ ഈ മണല്‍കാറ്റടിക്കുന്ന ,

ഉച്ചവെയില്‍ പൊള്ളുന്ന ,

നഗരത്തിരക്കിനു നടുവിലൊറ്റപ്പെടുമ്പോള്‍

നിന്‍റെ ഈ പ്രിയതകള്‍ നിനക്കോര്‍മ വരുന്നുവോ

എങ്കില്‍ പറയുക...

നിന്‍റെ ഈ നൊമ്പരത്തിന് പേരെന്താണാവോ ???


Tuesday, October 7, 2008

ദേവി സ്തുതി !!!!

നളിനാസന മുഖ,

നളിനങ്ങളിലൊരു കളിതേടീടിന

കള ഹംസീ ജയ..

നവ നളിന മനോഹര വദനെ ജയ ജയ...

ജയ ജയ...വെള്ല് വെള വിലസിന

ചന്ദ്രിക തന്നൊരു ഒളിമ കലര്‍ന്നു

വിളങ്ങിന ദേവി ...

തെളിവോടു വന്നിഹ മമ നാവിന്മേല്‍

വിളയാടീടുക..

വാഗ്യീശ്വരി ജയ..

തെളിവോടു വന്നിഹ മമ നാവിന്മേല്‍

വിളയാടീടുക..

വാഗ്യീശ്വരി ജയ..

അമ്മേ .. അമ്മേ... അമ്മേ.. അമ്മേ......