About Me

My photo

മലയാണ്മയോടാണ് അഭിനിവേശം. അതുകൊണ്ട് തന്നെ മലയാളത്തില്‍ ഒര് എം എ യും യു ജി സി യും തരപ്പെടുത്തി. വായന ഒരുപാട് ഇഷ്ടം. അവിടവിടെ ചിതറിക്കിടക്കുന്ന ചിന്തകള്‍ കോര്‍ത്തിണക്കി എന്തെകിലും കുത്തിക്കുറിക്കാന്‍ ഇഷ്ടം . അത് നാല് വരി കവിതയോ , ഒര് കുഞ്ഞു കഥയോ എന്ത് തന്നെയായാലും. ഉപജീവനത്തിനായി ഇപ്പോള്‍ ദുബൈയില്‍ ഒര് കനേഡിയന്‍ പവര്‍ ആന്‍ഡ്‌ എനെര്‍ജി കമ്പനിയില്‍ ജോലി ചെയ്യുന്നു. ഭാര്യ ദീപ ചിറയില്‍ , ആലുവ യു സി കോളേജില്‍ മലയാളം ഭാഷാശാസ്ത്രം അധ്യാപിക . ഒര് മകന്‍ . ആര്‍തര്‍ വില്യം

Friday, November 28, 2008

ലാങ്ങ്ഴോ പൂപ്പോങ്ങ് !!




നിന്‍റെ ചുംബനം
എന്‍റെ ചുണ്ടുകളെ
നനയ്ക്കുന്ന
പുതുമഴ.
നാവിലൂടെ ഊര്‍ന്നു
കാല്‍നഖം വരെയും പെയ്യുന്ന
ഹിമശൈത്യം
രക്തം മരയ്ക്കുന്ന
സുഖപ്രവാഹത്തിന്‍റെ നദി
കണ്ണുകളെ നനുത്ത ചര്‍മത്താല്‍
പുതയ്ക്കുന്ന കമ്പളം
മൃദുലതയുടെ നനവ്
എന്‍റെ സ്നേഹത്തിന്‍റെ താഴ്വരയില്‍
പൂക്കുന്ന നീലാംബരി
ചുണ്ടുകളില്‍ രക്തം പടര്‍ത്തി
കള്ളിയങ്കാടിലെ
നീലിയാകുന്നു നീ
മുടിയുലര്‍ത്തി
എന്നില്‍ പടരുന്നു നീ
പിന്നെ നീ
ലാങ്ങ്ഴോ പൂപ്പോങ്ങ് ആകുന്നു

കുഞ്ഞുങ്ങളുടെ മാലാഖ !!

Saturday, November 22, 2008

സംഗീതം!!!


വൈകുന്നേരമായാല്‍


മുളംകാടിനുള്ളില്‍


‍പക്ഷികള്‍ വിരുന്നുവരും


നീലയും ഊതയും പീതവും കാണാവും


തമ്മില്‍ കൊക്കുരുമ്മുന്ന സംഗീതം


ചില്ലകള്‍ മാറി മാറി അവര്‍


ചിലച്ചുകൊണ്ടെയിരിക്കും


ഞാന്‍ ഇവിടെനിന്നു അനങ്ങിയിട്ടെയില്ല


ഞാന്‍ റേഡിയോ സംഗീതം കേള്‍ക്കുകയും


എസ്പരാന്‍സയുടെ പുണ്യവാളന്മാര്‍


‍വായിക്കുകയുമാണ് ഇന്ന്.

Wednesday, November 19, 2008

അധിവര്‍ഷമാസം!!

പുതുവര്‍ഷത്തിലെ

ആദ്യമാസത്തിലെ

അവസാനദിനം.

അധിവര്‍ഷമാസം.

എന്താണ് എനിക്ക് നഷ്ടപ്പെടുന്നത് ?

ഭ്രാന്ത് പിടിപ്പിക്കുന്ന ഉല്‍കണ്ടകളുടെ രക്തനദി

എന്‍റെ തലച്ചോറ് പിളര്‍ന്നൊഴുകുന്നു.

ലാവയൊഴുകിപ്പരക്കുന്നു കണ്ണുകളില്‍

ഒന്നുമില്ലാതെ കൊഴിയുന്ന ദിനങ്ങള്‍

എനിക്ക് ശ്വാസതടസ്സം ഉണ്ടാകുന്നു.

Monday, November 17, 2008

വെളിപാട് !!!

വീണ്ടും ഏകാന്തതയുടെ ലോകം.

ഈ ചുമരുകള്‍ക്ക് നടുവില്‍ തപിക്കുന്ന ഞാന്‍.

പുസ്തകങ്ങള്‍ മാത്രം കൂട്ടിനുള്ള ഞാന്‍.

ആയുസ്സിന്‍റെ പുസ്തകത്തിലെ വരികള്‍

എനിക്ക് വെളിപാടുണ്ടാക്കുകയും

ശരീരം തരിക്കുകയും ചെയ്തു.

കൊല്‍കൊത്തയിലെ വലിയ പള്ളിയും

പുരാതന ഗന്ധമുള്ള ബൈബിളും ഞാനും കണ്ടുവോ ?

Sunday, November 16, 2008

പേരില്ലാത്ത ഭയം !!!!

കറുത്ത ഒരു രാത്രി
തലവേദനയുടേത്
സൌര്യക്കെടുകള്‍
ഒന്നിന് പിറകെ ഒന്നായി വരുന്നു
ഉരുണ്ടുകൂടുന്ന കാര്‍മേഘങ്ങള്‍
ദുസ്സഹമായ ചൂടിന്‍റെ അന്തരീക്ഷം
നക്രങ്ങളാകുന്ന അകാരണ ഭയങ്ങള്‍
തെയ്യം കെട്ടിയാടുന്ന ഒരു നിലവിളി
തൊണ്ടയില്‍ കുരുങ്ങുന്ന എന്‍റെ ശബ്ദം
നിശബ്ദമായ ഒരു ബുധന്‍
ഞാന്‍ ഭ്രമണ പഥത്തില്‍ നിന്നു പുറത്തു പോകുന്നു
കണ്ണുകള്‍ കലങ്ങി ,
കാല്‍ തെറ്റി ഞാന്‍
വേദനയുടെ കുഴിമാടത്തിലേക്ക് വീഴുന്നു