About Me

My photo

മലയാണ്മയോടാണ് അഭിനിവേശം. അതുകൊണ്ട് തന്നെ മലയാളത്തില്‍ ഒര് എം എ യും യു ജി സി യും തരപ്പെടുത്തി. വായന ഒരുപാട് ഇഷ്ടം. അവിടവിടെ ചിതറിക്കിടക്കുന്ന ചിന്തകള്‍ കോര്‍ത്തിണക്കി എന്തെകിലും കുത്തിക്കുറിക്കാന്‍ ഇഷ്ടം . അത് നാല് വരി കവിതയോ , ഒര് കുഞ്ഞു കഥയോ എന്ത് തന്നെയായാലും. ഉപജീവനത്തിനായി ഇപ്പോള്‍ ദുബൈയില്‍ ഒര് കനേഡിയന്‍ പവര്‍ ആന്‍ഡ്‌ എനെര്‍ജി കമ്പനിയില്‍ ജോലി ചെയ്യുന്നു. ഭാര്യ ദീപ ചിറയില്‍ , ആലുവ യു സി കോളേജില്‍ മലയാളം ഭാഷാശാസ്ത്രം അധ്യാപിക . ഒര് മകന്‍ . ആര്‍തര്‍ വില്യം

Tuesday, July 28, 2009

ഉത്തരാഞ്ചല്‍ !


ഇന്ന് ഞാന്‍ ഗംഗോത്രിയിലെ പ്രകാശ രേഖയെ

സ്വപ്നം കാണുന്നു

ഏഴു നിറങ്ങളില്‍ ഗംഗ കുത്തി വീഴുന്നു

കുലംകുത്തിയൊഴുകുന്ന ഭാഗീരഥി

യാക്കുകള്‍ മേയുന്ന ഈ ഉത്തരാഞ്ചലിന്‍റെ തീരം

ചിലങ്ക നാദത്താല്‍ മുഖരിതം

എന്‍റെ യാത്ര ഇന്ന് ഗോമുഖിലേക്കാണ്

പച്ച പുതച്ച വനം

മഞ്ഞു മൂടിയ വഴിത്താര

കാട്ടുപുല്‍തണ്ട് ചവച്ചു ഞാന്‍ മലകയറുന്നു

വെളുത്ത നന്മയുടെ സുഗന്ധത്തിലേക്ക്

എന്‍റെ കാലുകള്‍ നീളുന്നു

കണ്ണിനൊപ്പമെത്താത്ത എന്‍റെ മനസ്സ്

ഹൈമാവതത്തിന്‍റെ നിശബ്ദത കാണുന്നു

കണ്ണ് നിറഞ്ഞു

പാദം മുറിഞ്ഞു

തൃഷ്ണ വറ്റി

ദൈവമേ

ഞാന്‍

‍നിന്‍റെമടിയിലേക്ക്‌ വീഴുന്നു

No comments: