ഈ തണുപ്പില്‍ പുതച്ചുറങ്ങുമ്പോള്‍
നിനക്കു നാടു ഓര്‍മ വരുന്നുവോ?
നമ്മള്‍ കൈകുടന്നയില്‍ കോരിയ
കോളാമ്പിപ്പൂക്കള്‍
പച്ച വിടര്‍ന്ന വഴിയോരങ്ങള്‍
നനുത്ത സന്ധ്യകള്‍
അമ്മയുടെ പിന്‍വിളി
കാതോര്‍ത്തിരുന്ന ഒരു കാലൊച്ച
നിന്‍റെ യൌവന തൃഷ്ണകള്‍... അങ്ങനെയങ്ങനെ
ഇപ്പോള്‍ ഈ മണല്‍കാറ്റടിക്കുന്ന ,
ഉച്ചവെയില്‍ പൊള്ളുന്ന ,
നഗരത്തിരക്കിനു നടുവിലൊറ്റപ്പെടുമ്പോള്‍
നിന്‍റെ ഈ പ്രിയതകള്‍ നിനക്കോര്‍മ വരുന്നുവോ
എങ്കില്‍ പറയുക...
നിന്‍റെ ഈ നൊമ്പരത്തിന് പേരെന്താണാവോ ???
No comments:
Post a Comment